Xhuana Nikolli, 25-vjeçare nga Lezha, i ka dhënë fund jetës duke konsumuar fostoksinë dhe ka ndërruar jetë në QSUT më 10 mars 2026. Ngjarja dyshohet se lidhet me dhunën fizike nga ish-bashkëshorti i saj, Eraldo Fizi, i shpallur në kërkim nga policia.
Familjarët e saj kanë bërë kallëzim në Komisariatin nr. 2 në Tiranë kundër Eraldo Fizit. Sipas tyre, ai ka ushtruar dhunë brutale ndaj saj. Fizi është kthyer nga jashtë vendit më 9 shkurt 2026 dhe po atë ditë ka takuar ish-bashkëshorten.
Çifti ishte martuar në qershor 2025 dhe divorcuar pas vetëm tre muajsh. Gjatë këqyrjes së trupit të pajetë nga policia, janë konstatuar shenja të rënda dhune në kokë, fytyrë dhe në njërin krah.
Para aktit fatal, Xhuana Nikolli ka lënë një letër. Në të ajo shkruante se "nuk donte më që ata njerëz që i kishin bërë keq të vazhdojnë ta lëndonin". Në fund, ajo u kërkonte ndjesë nënës dhe babait.