Sot janë bërë 27 vjet nga nënshkrimi i Marrëveshjes ushtarako-teknike të Kumanovës, akti që i dha fund luftës në Kosovë dhe detyroi Serbinë të tërhiqte të gjitha forcat e saj policore dhe ushtarake nga territori i vendit.
Marrëveshja u nënshkrua më 9 qershor 1999 ndërmjet përfaqësuesve të NATO-s dhe RFJ-së. Dokumenti u nënshkrua nga komandanti i parë i KFOR-it në Kosovë, Michael Jackson, dhe ish-shefi i Shtabit të Armatës serbe, gjenerali Nebojsha Pavkoviq, i cili është akuzuar nga Tribunali i Hagës për krime lufte dhe gjenocid.
Ky dokument hyri në fuqi dy ditë pas nënshkrimit, më 11 qershor 1999, duke shënuar momentin kyç për ndalimin e luftimeve dhe nisjen e vendosjes së forcave ndërkombëtare të paqes në rajon.