Sot, më 6 maj 2026, bëhen 29 vjet nga rënia e Luan Haradinajt në njërën prej betejave të para të UÇK-së kundër forcave serbe, në kufirin shqiptaro-shqiptar.
Luan Haradinaj ra në një betejë disaorëshe derisa udhëhiqte një ekspeditë të UÇK-së për të hyrë në Kosovë. Grupi, i përbërë nga:
- Luan Haradinaj
- Ramush Haradinaj
- Fehmi Lladrovci
- Xhevë Lladrovci
- Selim Krasniqi
- Ramiz Lladrovci
- Abedin Rexha
- Ilaz Kodra
- Rafet Rama
- Gani Rama
- Emrush Xhemajli
- Ali Ahmeti,
arriti sipër fshatit Larë, afër Kushninit të Hasit, në vendin e quajtur Qafa e Mullarit, në kufirin 179 shqiptaro-shqiptar.
Aty grupi ra në një pritë të ushtrisë jugosllave. U vra Luan Haradinaj, ndërsa u plagosën Rafet Rama, Ramush Haradinaj dhe Fehmi Lladrovci. Trupi i Luan Haradinajt u mbajt në Vlanë deri në çlirimin e Kosovës, pastaj u rivarros në Varrezat e dëshmorëve të kombit në Gllogjan të Rekës, Deçan, ku prehet bashkë me 20 dëshmorë të tjerë të vendlindjes.
Luan Haradinaj lindi më 17 nëntor 1973 në fshatin Gllogjan të Rekës, Deçan. Shkollën fillore e kreu në Irzniq, ndërsa gjimnazin "Vëllezërit Frashëri" në Deçan. Pas maturës u regjistrua në Fakultetin e Edukatës Fizike në Tiranë, por nuk e përfundoi duke iu bashkuar luftës për çlirimin e Kosovës.