Një 40-vjeçar nga Shijaku, Fatjan Stafa, i njohur edhe si Fatjan Dushku, është ekstraduar drejt Italisë, ku do të vuajë pjesën e mbetur të dënimit. Ai ishte dënuar nga Gjykata e Apelit e Firences me 7 vjet, 7 muaj e 12 ditë burgim për pjesëmarrje në organizatë kriminale dhe trafikim të lëndëve narkotike.
Sipas hetimeve, gjatë periudhës nga marsi i vitit 2009 deri në korrik të vitit 2013, Stafa, në bashkëpunim me shtetas të tjerë shqiptarë, ka trafikuar kokainë nga Holanda drejt Italisë. Ai dyshohet se kishte rolin e ndërmjetësit mes palëve, duke organizuar lidhjen deri në dorëzimin e lëndës narkotike te shpërndarësit.
Pas ekstradimit, Stafa do të vuajë në Itali pjesën e mbetur të dënimit të dhënë nga drejtësia italiane.