Drejtoria e Forcës së Posaçme Operacionale, në Departamentin e Policisë Kriminale, finalizoi më 24 mars 2026 operacionin policor “Operacionalja 88”, duke vënë në pranga shtetasin Bledar Mansaku, 50 vjeç, banues në Tiranë.
Ky shtetas ishte shpallur në kërkim ndërkombëtar nga autoritetet italiane. Gjykata e Apelit në Firence e dënoi në vitin 2024 me 7 vjet burg për veprën penale "trafikim i lëndëve narkotike", të parashikuar nga Kodi Penal i Italisë.
Lokalizimi dhe arrestimi u mundësuan falë informacioneve të siguruara në rrugë operative, në vijim të operacioneve për kapjen e personave në kërkim ndërkombëtar.
Arrestimi provizor i Bledar Mansaku u krye me qëllim ekstradimin drejt Italisë, siç thuhet në njoftimin zyrtar të Policisë së Shtetit.