Shërbimet e Drejtorisë së Forcës së Posaçme Operacionale në Drejtorinë e Përgjithshme të Policisë së Shtetit finalizuan fazën e 90-të të operacionit policor të koduar „Operacionalja“. Në kuadër të këtij operacioni, në Tiranë u arrestua shtetasi Ylli Misku, 51 vjeç, banues në Tiranë.
Ylli Misku ishte shpallur në kërkim ndërkombëtar nga Interpol Roma. Gjykata e Apelit e Bolognës, Itali, në korrik 2022, e dënoi me 5 vjet, 11 muaj e 14 ditë burg për veprat penale „Trafikimi i lëndëve narkotike“, kryer në bashkëpunim, dhe „Vjedhje në rrethana rënduese“.
Arrestimi u krye bazuar në informacione të siguruara në rrugë operative mbi vendndodhjen e tij, me qëllim ekstradimin drejt Italisë, ku pritet të vuajë dënimin. Procedurat për dorëzimin te autoritetet italiane kanë filluar.
Policia e Shtetit vijon punën për kapjen e personave të shpallur në kërkim ndërkombëtar.