Shtetasi Gjin Nikollaj, 54 vjeç, banues në Laç, është ndaluar nga shërbimet e Policisë së Shtetit në kuadër të operacionit të koduar "Operacionalja 95". Arrestimi i tij është bërë i mundur falë informacioneve të siguruara mbi vendndodhjen e tij dhe operacionit të finalizuar nga Drejtoria e Forcës së Posaçme Operacionale.
54-vjeçari ishte shpallur në kërkim ndërkombëtar nga Interpol Roma, pasi autoritetet gjyqësore italiane e kanë dënuar me 7 vjet e 2 muaj burgim për veprat penale "Trafikimi i lëndëve narkotike" dhe "Kanosja".
Pas ndalimit në Kurbin, ndaj tij kanë nisur procedurat e nevojshme ligjore për ekstradimin drejt Italisë, ku ai pritet të vuajë dënimin e dhënë nga gjykatat italiane.