Një 50-vjeçar shqiptar u gjet i vdekur në stacionin Arcipressi të linjës T1 të tramvajit në Firence, dy ditë më parë. Viktima, emri i të cilit nuk është bërë publik, jetonte në Viterbo dhe sapo ishte liruar nga burgu Sollicciano.
Stafi i Humanitas në Firence u përpoq ta ringjallte, por pas orës 10:00 të mëngjesit u shpall i vdekur. Magjistrati urdhëroi hetime të mëtejshme, duke marrë parasysh që ai ishte mbajtur në burgun Sollicciano deri dje. Ekipi i mjekësisë ligjore dhe policia lokale mbërritën në vendngjarje për të mbledhur dëshmi, prova dhe pamje filmike.
Burimet italiane raportojnë se vdekja dyshohet fillimisht të ketë ardhur nga shkaqe natyrale, por lirimi i fundit nga burgu ka ngritur dyshime për faktorë të jashtëm. Stafi i Gest ishte po ashtu në vend, pasi stacioni u mbyll për disa orë. Linja e tramvajit T1 u ndërpre përkohësisht për zhvillimin e hetimeve.
Autoritetet italiane po vazhdojnë punën për të zbardhur rrethanat e plota të ngjarjes dhe për të dhënë një raport përfundimtar mbi shkakun e vdekjes.