Një person mashkull i moshës 60 vjeç ka humbur jetën sot në një aksident trafiku që ka ndodhur rreth orës 12:15 në fshatin Koshare të Ferizajt.
Sipas njoftimit të Policisë së Kosovës në rajonin e Ferizajt, aksidenti ka ndodhur mes dy veturave me targa vendore. Vdekja e viktimës është konfirmuar në vendin e ngjarjes nga ekipi mjekësor.
Zëdhënësi i Policisë në Ferizaj, Kanun Veseli, ka deklaruar se policia ka pranuar njoftimin për aksidentin dhe se për pasojë ka humbur jetën një person mashkull i moshës 60 vjeç. Ai ka shtuar se për informata shtesë do të njoftohet me raport vijues.