Një mashkull rreth 82-vjeçar, me inicialet Sh. R., u godit nga një veturë në Prizren më 19 mars 2026, rreth orës 13:31. Ngjarja ndodhi në rrugën afër hyrjes së Spitalit.
Rastin e konfirmoi Shaqir Bytyqi, zëdhënës i policisë për rajonin e Prizrenit. Ai deklaroi se, sipas informacioneve të para, këmbësori ka pësuar lëndime trupore, por aktualisht ndodhet jashtë rrezikut për jetë.
"Sot, më datën 19.03.2026, rreth orës 13:31, është raportuar një aksident trafiku në rrugën afër hyrjes së Spitalit në Prizren. Sipas informacioneve të para, një këmbësor është goditur nga një veturë. Si pasojë, këmbësori Sh. R., mashkull rreth 82-vjeçar, ka pësuar lëndime trupore, por aktualisht ndodhet jashtë rrezikut për jetë. Policia ka dalë menjëherë në vendngjarje. I dyshuari është arrestuar dhe janë ndërmarrë të gjitha veprimet e nevojshme për ndriçimin e rrethanave të aksidentit", tha Bytyqi.