Këshilli i Përgjithshëm i Aleancës për Ardhmërinë e Kosovës (AAK) mbajti më 6 mars 2026 një mbledhje të jashtëzakonshme për të diskutuar hapat e partisë në prag të zgjedhjeve të jashtëzakonshme parlamentare.
Një pikë kryesore ishte pezullimi i zgjedhjeve të brendshme në të gjitha nivelet e organizimit. Anëtarët votuan unanimisht për këtë vendim, që strukturat e AAK-së të përqendrohen plotësisht në procesin zgjedhor nacional. Pezullimi është në fuqi deri në dy javë pas përfundimit të zgjedhjeve të jashtëzakonshme për Kuvendin e Republikës së Kosovës.
Në mbledhje u trajtuan çështje si lista zgjedhore, programi zgjedhor dhe organizimi i strukturave të fushatës.
Këshilli vendosi themelimin e Shtabit Qendror Zgjedhor. Në krye u emërua nënkryetari i parë i AAK-së, Ardian Gjini. Shtabi përbëhet nga anëtarët e Komisionit për organizimin dhe koordinimin e zgjedhjeve të brendshme të partisë.