Administrata Tatimore ka njoftuar nisjen e zbatimit të Plani Sektorial të Ndërtimit, të miratuar nga Komiteti i Riskut më 12 janar 2026. Ky plan synon forcimin e përmbushjes tatimore, uljen e informalitetit dhe rritjen e transparencës në sektorin e ndërtimit.
Ndryshe nga kontrollet fizike tradicionale, monitorimi mbështetet në teknologji dhe kryqëzim të dhënash nga burime të ndryshme. Këto përfshijnë informacione nga palë të treta si hipoteka, bashki dhe banka, sistemi elektronik i faturimit CPCM, si dhe vetëdeklarimet e subjekteve në zinxhirin e furnizimit.
Fokus i Monitorimit
Përmes analizës së riskut, sistemi identifikon automatikisht mospërputhjet dhe devijimet nga treguesit referencë, duke sinjalizuar subjektet me shmangie tatimore. Administrata Tatimore u bën thirrje subjekteve ndërtuese të rregullojnë vullnetarisht pozicionin:
- Deklarimi i pagave reale bazuar në profesion, kualifikim dhe kushtet e tregut, duke përfunduar praktikën e pagës minimale me pjesën tjetër në dorë.
- Deklarimi i çdo punonjësi në sistemin e sigurimeve shoqërore, në kantier apo zyrë.
- Lëshimi i faturave me kodin NIVF/NSLF për çdo shitje, përfshirë parapagimet si këstet për apartamente.
- Hyrja e materialeve dhe shërbimeve vetëm me faturë tatimore për gjurmueshmëri.
- Të dhëna të sakta në QKB dhe Tatime, deklarim i kontratave të qirasë dhe përdorim i programeve të certifikuara për fiskalizim.
Masa për Subjektet me Risk
Subjektet e identifikuara me risk do të përballen me masa verifikuese dhe monitoruese. Këto përfshijnë kontrolle, hetime tatimore dhe masa administrative, në përputhje me kompetencat ligjore. Qëllimi është garantimi i një tregu të ndershëm dhe rritja e përmbushjes vullnetare të detyrimeve tatimore.