Ushtruesja e detyrës së presidentes, Albulena Haxhiu, pritet të përballet me një kufizim ligjor pas datës 4 tetor, kur përfundon periudha gjashtëmujore e ushtrimit të këtij funksioni. Vullnet Bugaqku nga Instituti Demokratik i Kosovës ka sqaruar se, bazuar në nenin 90, paragrafin 3 të Kushtetutës së Republikës së Kosovës, posti i ushtruesit të detyrës nuk mund të mbahet për një kohë më të gjatë se 6 muaj.
Sipas Bugaqkut, pas kalimit të këtij afati, Haxhiu mund të vazhdojë të ushtrojë detyrën e kryetares së Kuvendit, por jo atë të ushtrueses së detyrës së presidentes. Megjithëse Kushtetuta nuk parasheh qartë pasojat specifike në rast të shkeljes së këtij afati, eksperti i KDI-së thekson se vendimet, dekretet ose veprimet e tjera të saj si udhëheqëse e shtetit pas datës së përmendur do të bëhen të kontestueshme juridikisht. Çdo akt i kryer pas këtij afati konsiderohet si material i mjaftueshëm që palët e interesuara t'i drejtohen Gjykatës Kushtetuese për të vlerësuar pajtueshmërinë e atyre vendimeve me normat kushtetuese.