Një aksident rrugor me pasoja për shëndetin e një personi është regjistruar pasditen e së mërkurës në qytetin e Vlorës. Ngjarja ka ndodhur në rrugën “Pelivan Leskaj”, ku një automjet është përplasur me një motomjet.
Si pasojë e përplasjes, drejtuesi i motorit ka mbetur i plagosur. Ai është transportuar me urgjencë drejt Spitalit të Vlorës, ku po merr ndihmën e nevojshme mjekësore. Grupi hetimor ka mbërritur në vendin e ngjarjes dhe po punon për të sqaruar shkaqet dhe dinamikën e plotë të aksidentit.