Një aksident rrugor është regjistruar mbrëmjen e sotme në zonën e Pyllit të Sodës, në qytetin e Vlorës. Në ngjarje është përfshirë një mjet tip motor, përplasja e të cilit ka shkaktuar lëndime trupore për drejtuesin.
Menjëherë pas njoftimit, shërbimet e Policisë dhe autoambulanca kanë mbërritur në vendin e ngjarjes për të ofruar ndihmën e parë. I lënduari është dërguar në spitalin e Vlorës, ku po merr trajtimin e nevojshëm mjekësor nën kujdesin e stafit të specializuar.
Ndërkohë, grupi hetimor ka nisur verifikimet për të sqaruar shkaqet dhe rrethanat në të cilat ka ndodhur aksidenti.