Një aksident rrugor ka ndodhur ditën e hënë në zonën e Pyllit të Sodës në qytetin e Vlorës. Si pasojë e përplasjes mes një kamioni dhe një automjeti, dy vajza kanë pësuar lëndime trupore.
Menjëherë pas njoftimit, në vendngjarje kanë mbërritur shërbimet e Policisë, autoambulanca dhe forcat zjarrfikëse. Ekipet e shpëtimit kanë ndërhyrë për t'u dhënë ndihmën e parë të lënduarave, të cilat më pas janë transportuar drejt Spitalit Rajonal të Vlorës për trajtim mjekësor. Përveç dëmeve në njerëz, përplasja ka shkaktuar edhe dëme të konsiderueshme materiale në mjete.
Grupi hetimor ka nisur punën për zbardhjen e plotë të shkaqeve dhe rrethanave të aksidentit.
Përditësime
Policia e Vlorës ka normalizuar qarkullimin në zonën e Pyllit të Sodës, pas përfundimit të hetimeve në vendin ku ndodhi aksidenti, në të cilin mbetën të plagosura 2 vajza.