Mëngjesin e sotëm është regjistruar një aksident rrugor në autostradën Lushnje-Fier, në dalje të rrethrrotullimit të Kolonjës. Një automjet tip Audi ka dalë nga rruga dhe është përplasur me një pemë.
Si pasojë e përplasjes, një shtetase rreth 65-vjeçe ka marrë dëmtime dhe është dërguar për trajtim në spital. Ndërkohë, drejtuesja e mjetit nuk ka pësuar lëndime.
Efektivët e Policisë së Qarkullimit Rrugor kanë mbërritur në vendngjarje për të zbardhur shkaqet e aksidentit dhe për të disiplinuar trafikun, i cili paraqitet i ngarkuar. Sipas të dhënave paraprake, shkak i aksidentit dyshohet të ketë qenë humbja e kontrollit nga ana e drejtueses së mjetit, në kushtet e një shpejtësie të lartë lëvizjeje.