Një aksident rrugor u shënua sot në aksin Mamurras-Laç pranë zonës së Gjormit. Dy automjete u përplasën me njëra-tjetrën dhe më pas dolën nga rruga.
Si pasojë e përplasjes një person humbi jetën ndërsa katër të tjerë mbetën të plagosur. Disa prej të plagosurve ndodhen në gjendje të rëndë.
Forca të shumta policie mbërritën në vendngjarje. Policia vijon punën për zbardhjen e shkaqeve të aksidentit.