Një aksident rrugor i rëndë është regjistruar gjatë natës në aksin Thumanë-Laç, ku dy automjete janë përplasur me njëra-tjetrën.
Si pasojë e përplasjes një person ka humbur jetën në vendngjarje, ndërsa tre të tjerë kanë mbetur të plagosur. Të lënduarit janë transportuar menjëherë në spital dhe sipas mjekëve ata ndodhen jashtë rrezikut për jetën.
Menjëherë pas aksidentit në vendngjarje kanë mbërritur forcat e policisë dhe grupi hetimor, të cilët kanë filluar punën për zbardhjen e rrethanave dhe shkaqeve që çuan në këtë ngjarje.