Një aksident rrugor ka ndodhur mbrëmjen e së martës në zonën e Lungomares në qytetin e Vlorës. Një motomjet ka përplasur një këmbësore, e cila është një grua e moshuar.
Si pasojë e përplasjes, e moshuara ka pësuar dëmtime, kryesisht në pjesën e kokës. Menjëherë pas ngjarjes, ajo është transportuar me ambulancë drejt spitalit, ku ndodhet nën kujdesin e mjekëve.
Grupet hetimore kanë mbërritur në vendngjarje dhe kanë nisur hetimet për të zbardhur shkaqet dhe rrethanat në të cilat ndodhi aksidenti.