Në rrugën nacionale Mitrovicë–Prishtinë, në segmentin rrugor të fshatit Nadakovc të Vushtrrisë, më 19 mars 2026 rreth orës 20:00, ndodhi një aksident trafiku me pasoja fatale.
Në aksident u përfshinë një automjet dhe një këmbësor, mashkull rreth 27-vjeçar. Si pasojë e lëndimeve, viktima vdiq në vendin e ngjarjes.
Drejtuesi i automjetit u shoqëruar në Stacionin Policor për intervistim dhe procedura të mëtejme ligjore, sipas njoftimit të Policisë së Kosovës.
Zëdhënësi i Policisë për rajonin e Mitrovicës, Avni Zahiti, konfirmoi se në aksident ishin të përfshirë vetëm një automjet dhe këmbësori.
Njësitet kompetente, përfshirë hetuesit e aksidenteve të trafikut, kanë mbërritur në vendngjarje dhe po kryejnë veprime hetimore për të sqaruar shkaqet dhe rrethanat. Autoritetet presin të japin informacione shtesë pas përfundimit të hetimit.
Përditësime
Ky është aksidenti i dytë fatal sot, pas atij në Prizren ku vdiq një 29-vjeçar në përplasje të motoçikletës me një kamion dhe një veturë.