Në rrugën "Azem Bejta" në Skenderaj, rreth orës 21:10 të 17 marsit 2026, ka ndodhur një aksident trafiku me fatalitet. Një veturë ka goditur një këmbësor, i cili ka humbur jetën në vendngjarje.
Zëdhënësi i Policisë së Kosovës për rajonin e Mitrovicës, Avni Zahiti, konfirmoi se viktima është rreth 74-vjeçar. Ai theksoi se në aksident janë përfshirë vetëm një automjet dhe këmbësori.
Drejtuesi i automjetit u shoqërua në stacionin policor për procedura të mëtejme. Njësi relevante policore, përfshirë hetuesit e aksidenteve të trafikut, kanë mbërritur në vendngjarje dhe zhvillojnë hetime për të sqaruar shkaqet dhe rrethanat.