Një aksident rrugor ka ndodhur sot në aksin Radhimë–Orikum, pranë portit të Jahteve. Mjeti i tipit Benz ka dalë nga rruga në kthesën që çon drejt Orikumit për shkak të shpejtësisë së lartë.
Mjeti ka goditur fillimisht një bordurë anësore betoni, ka fluturuar përtej saj dhe përtej një kanali kullues pranë, për të goditur më pas murin anësor të portit të Jahteve.
Si pasojë e aksidentit, janë plagosur dy persona: shtetasja K.S., drejtuese e mjetit, dhe 16-vjeçari me iniciale D.M.. Të dy janë transportuar me urgjencë në Spitalin Rajonal të Vlorës, ku ndodhen jashtë rrezikut për jetën.