Një aksident automobilistik ka ndodhur mëngjesin e së hënës në rrugën Vlorë–Selenicë, pranë fshatit Alikokë.
Dy automjete u përplasën përballë njëra-tjetrës. Shkaqet e supozuara përfshijnë shpejtësinë e tepruar dhe lagështinë në rrugë.
Si pasojë, një vajzë mbeti e plagosur rëndë me plagë të shumta, kryesisht në kokë, dhe u dërgua me urgjencë në Spitalin Rajonal të Vlorës për trajtim. Sipas një burimi, një djalë mori dëmtime në kraharor, por gjendja e tij është më e lehtë.
Njëra nga makinat u shkatërrua plotësisht në pjesën e përparme, ndërsa tjetra përfundoi në një kanal anash rrugës.
Shërbimet e policisë kanë mbërritur në vendngjarje dhe po kryejnë verifikimet për të sqaruar rrethanat e ngjarjes.
Përditësime
Kostandina Shoraj, 25-vjeçare, u identifikua si e plagosura rëndë në aksidentin në Vlorë-Selenicë, pranë Alikokës. Ajo u dërgua fillimisht në Spitalin e Vlorës, më pas drejt Traumës për shkak të gjendjes së rëndë.