Një aksident automobilistik u shënua pasditen e sotme, më 31 korrik 2026, në aksin rrugor Fier-Patos. Ngjarja ndodhi në zonën e njohur si Çezma e Mbyetit, ku u përfshinë në një përplasje dy automjete.
Sipas informacioneve paraprake, mjeti tip Audi, i drejtuar nga shtetasi U. Xh., u përplas me një mjet tjetër tip Volkswagen, me drejtues shtetasin N. D. Si pasojë e goditjes, drejtuesi i mjetit tip Audi mori dëmtime fizike dhe u transportua menjëherë drejt Spitalit Rajonal të Fierit. Ai ndodhet nën kujdesin e stafit mjekësor.
Shërbimet e policisë ndodhen në vendin e ngjarjes dhe po punojnë për zbardhjen e shkaqeve dhe dinamikës së aksidentit. Gjithashtu, efektivët po angazhohen për menaxhimin dhe disiplinimin e qarkullimit të mjeteve në këtë segment rrugor.
Përditësime
Burimet hetimore korrigjuan informacionin paraprak, duke saktësuar se në aksident është përfshirë një mjet tip Benz, jo Volkswagen. Gjithashtu, autoritetet njoftuan se përveç drejtuesit, kanë mbetur të lënduar edhe dy pasagjerë që ndodheshin në mjetin tip Audi. Të gjithë të dëmtuarit po marrin trajtim mjekësor në Spitalin Rajonal të Fierit.