Prokuroria Themelore në Prishtinë, në koordinim me Inspektoratin Policor të Kosovës (IPK) dhe Drejtoria për Hetimin e Krimeve Ekonomike dhe Korrupsion, zhvilloi sot dy aksione të ndara në Prishtinë, Fushë-Kosovë dhe Obiliq.
Aksionet u realizuan me urdhër të Gjykatës Themelore në Prishtinë dhe përfshinin bastisjen e 5 personave zyrtarë dhe 2 personave civilë, të dyshuar për veprimtari kriminale.
Të dyshuarit hetohen për vepra penale si:
- keqpërdorim i pozitës apo autoritetit zyrtar;
- shkelje e fshehtësisë së procedurës;
- marrje e deklaratave me anë të shtrëngimit;
- keqpërdorim i informatës zyrtare;
- mashtrim;
- legalizim i përmbajtjes së rreme;
- marrje ryshfeti;
- dhënie ryshfeti.
Sipas dyshimeve fillestare, të dyshuarit në bashkëveprim kanë siguruar përfitime të kundërligjshme pasurore përmes falsifikimit të dokumenteve pronësore dhe ndryshimit të paligjshëm të pronarëve.
Pesë zyrtarët dyshohen se kanë tejkaluar kompetencat ligjore dhe kanë keqpërdorur pozitat zyrtare për të mundësuar këto përfitime.
Burime nga Inspektorati Policor i Kosovës raportojnë se mes të arrestuarve janë katër policë: Bleon Beqiri, Alfred Ismajli, Artan Shala dhe Vlonjat Behrami, si dhe një zyrtar komunal dhe dy qytetarë.
Prokuroria Themelore në Prishtinë thekson përkushtimin për luftën kundër kriminalitetit dhe korrupsionit, duke paralajmëruar vazhdimin e veprimeve hetimore në përputhje me ligjin.
Përditësime
IPK ka vendosur masën e ndalimit 48-orësh për gjashtë persona: tre policë (A.Sh., B.B., A.I.) dhe tre civilë (F.S., L.R., N.S.).
Vlonjat Behrami u lirua, por u suspendua për 72 orë së bashku me të tjerët.
Autoritetet kanë sekuestruar dy vetura (rreth 80.000 euro), një orë Rolex (8.000-10.000 euro), pesë telefona dhe dokumente.
IPK rekomandon suspendimin e katër zyrtarëve policorë.
Gjykata Themelore në Prishtinë refuzoi kërkesën për paraburgim ndaj 5 të dyshuarve në Agjencinë Kadastrale të Kosovës (AKK) dhe caktoi masën e paraqitjes periodike në stacionin e policisë.
Dyshuarit përfshijnë:
- A.Q. dhe N.K., të cilët përdorën dokumentin falsifikuar "Kontratë për këmbim të paluajtshmërive" nga viti 1966;
- A.B., zyrtar në Gjykatën Themelore në Prishtinë, dyshohet për krijimin e një dosjeje fiktive për legalizimin e këtij dokumenti;
- B.Sh. dhe M.B., zyrtarë në AKK, dyshohen për aprovimin e një ankesë të paligjshme dhe detyrimin e Komunës së Prishtinës për regjistrimin e pronës.