Prokuroria Themelore në Prizren ka ngritur aktakuzë kundër dy të pandehurve, policit A.K. dhe qytetarit B.C., për veprat penale të parashikuara në Kodin Penal të Republikës së Kosovës.
Ngjarja ka ndodhur më 22 dhjetor 2025, rreth orës 08:10, në Pikën Kufitare Vërmicë. Sipas aktakuzës, A.K., në cilësinë e zyrtarit policor i veshur me uniformë, ka kërkuar dhe pranuar ryshfet nga B.C., me qëllim përfitimi pasuror personal. Ai i ka mundësuar B.C.-së hyrjen në Kosovë, pavarësisht refuzimit paraprak nga Policia për mungesë dokumentacioni.
Pas marrjes së parave, A.K. e ka kaluar kufirin në mënyrë të paligjshme me veturën e tij, duke e dërguar B.C.-në në Prizren.
A.K. akuzohet për veprën penale “Marrja e ryshfetit” (neni 421 par. 2). B.C. akuzohet për “Dhënia e ryshfetit” (neni 422 par. 1) dhe “Kalimi i paautorizuar i vendkalimeve kufitare ose i vijës kufitare” (neni 140 par. 1).
Prokurori i çështjes ka propozuar gjykatës që, pas shqyrtimit gjyqësor, administrimit dhe vlerësimit të provave, të pandehurit të shpallen fajtorë dhe të dënohen sipas ligjit. Për A.K., përveç dënimit kryesor, kërkohet edhe dënimi plotësues i ndalimit të ushtrimit të funksioneve në administratën publike ose shërbimin publik.
Përditësime
Prokuroria Themelore në Prizren (Departamenti për Krime të Rënda) ngriti aktakuzë ndaj një polici dhe një qytetari për rüşfet në pikën kufitare Vërmicë.