Autoriteti Kombëtar i Ushqimit (AKU) në Shkodër ka bllokuar 7,196 kg djathë të bardhë lope gjatë kontrollit në subjektin “Nail Idrizi”, i cili ushtronte aktivitet baxho.
Trupa inspektuese ka vendosur bllokimin e menjëhershëm të aktivitetit deri në përmbushjen e standardeve higjieno-sanitare.
Ndaj subjektit janë marrë masa administrative:
- Gjobë në vlerë 300,000 lekë për shkelje të kushteve të higjienës, sipas Ligjit Nr. 9863 “Për ushqimin”, neni 68, pika 1, germa “h”.
- Gjobë në vlerë 100,000 lekë për shkelje të kërkesave të gjurmueshmërisë së produkteve.
AKU bën me dije se kontrollet do të vazhdojnë me intensitet për të garantuar sigurinë ushqimore dhe mbrojtjen e konsumatorit.