Pas një procesi inspektimi dhe analizash laboratorike, Autoriteti Kombëtar i Ushqimit (AKU) ka njoftuar se subjekti Sori-Al mund të vijojë ushtrimin e aktivitetit në kuzhinën e Garnizonit Skënderbej në Tiranë. Masat e pezullimit ishin vendosur pas raportimeve për dyshime të helmimit ushqimor të kursantëve të Akademisë së Sigurisë në fund të muajit qershor.
Sipas njoftimit zyrtar, më datë 25 qershor 2026, autoritetet kampionuan 14 mostra nga vakti i drekës dhe darkës, si dhe 5 mostra tamponësh higjienikë nga pajisjet dhe ambientet e punës. Rezultatet nga Laboratori i Referencës ISUV konfirmuan se të gjithë treguesit mikrobiologjikë, nga analizimi i 33 mostrave në total, ishin brenda kufijve të lejuar.
Në vijim të procesit, kompania kreu analiza vetëkontrolli për ambientet, pajisjet dhe punonjësit, të cilat rezultuan konforme kërkesave ligjore. Më datë 10 korrik 2026, AKU zhvilloi një inspektim shtesë në të njëjtin subjekt, ku u kampionuan 3 mostra tamponësh ambientalë. Pas marrjes së rezultateve pozitive nga të gjitha testimet, institucioni vendosi zhbllokimin e aktivitetit të kompanisë.