Pasditen e se henes, Stacioni i Autobuseve ne Prishtine eshte bere objekt i nje kontrolli policor pas nje alarmi per mjet te dyshuar shperthyes. Autoritetet e rendit kane nderhyre menjehere per te siguruar perimetrin e zones dhe per te garantuar sigurine e qytetareve.
Zedhenesja e Policise per rajonin e Prishtines, Flora Ahmeti, ka njoftuar se informata eshte pranuar rreth ores 18:00. Ne pergjigje te ketij njoftimi, policia ka ndermarre te gjitha veprimet e nevojshme operative, duke perfshire evakuimin e qytetareve nga hapesirat e stacionit.
Aktualisht, njesitet perkatese policore po vijojne veprimet ne terren per trajtimin dhe verifikimin e informatës. Deri ne kete moment, nuk ka te dhena shtese mbi natyren e mjetit te dyshuar apo zhvillime te tjera lidhur me kete incident.
Përditësime
Policia e Kosovës ka konfirmuar se alarmi për mjet shpërthyes në Stacionin e Autobusëve në Prishtinë ka rezultuar i rremë. Pas kontrollit të detajuar, njësitet policore nuk kanë gjetur objekte të dyshimta, duke bërë që hapësira të zhbllokohet dhe qarkullimi të normalizohet. Prokuroria e Shtetit e ka cilësuar rastin si “lajmërim i rrejshëm” dhe ka nisur hetimet për identifikimin e autorëve.