Ambasadori i Shqipërisë në Shkup Denion Meidani ka ndarë në rrjetet sociale vargje nga poema “Gjuha Shqype” e poetit Gjergj Fishta. Postimi është bërë në kuadër të rubrikës së tij #LeximFundjave, një ditë para protestës së paralajmëruar nga studentët shqiptarë në Maqedoninë e Veriut.
Vargjet e zgjedhura theksojnë thirrjen për mbrojtjen e gjuhës shqipe dhe unitetin mes gegëve e toskëve. Ato nënvizojnë gjithashtu rolin e gjuhës në njohjen e identitetit kombëtar të shqiptarëve.
Studentët dhe organizatat shqiptare në Maqedoninë e Veriut kanë paralajmëruar protesta në lidhje me statusin dhe përdorimin e gjuhës shqipe në institucionet publike. Reagimi i ambasadorit është parë si mbështetje morale ndaj kësaj çështjeje.
Përditësime
Protestuesit në Shkup kërkuan që provimet profesionale dhe të jurisprudencës të zhvillohen në gjuhën shqipe.