Ambasadori i Republikës së Shqipërisë në Shkup, Denion Meidani, ka shprehur mbështetje për studentët shqiptarë që protestuan më 6 prill 2026 në Maqedoninë e Veriut, duke theksuar të drejtën për përdorimin e gjuhës amtare.
Sipas Meidanit, kjo e drejtë është e garantuar dhe duhet të reflektohet në përputhje me Kushtetutën dhe legjislacionin në fuqi. Ai ka vlerësuar angazhimin qytetar të studentëve dhe mënyrën demokratike të artikulimit të kërkesës së tyre.
Në deklaratën e tij, ambasadori shkruan: «Angazhimi qytetar i studentëve dhe mënyra demokratike e artikulimit të kërkesës së tyre meritojnë vlerësim. Kjo kërkon një përgjigje institucionale të matur, të përgjegjshme dhe të orientuar drejt zgjidhjeve të qëndrueshme, përmes dialogut konstruktiv dhe respektimit të plotë të të drejtave të garantuara».
Protesta u zhvillua në Shkup, ku studentët kërkuan zbatim të plotë të të drejtave gjuhësore.