Amir Rrahmani ka zgjatur kontratën me klubin italian Napoli, deri në vitin 2029. Mbrojtësi i Kombëtares së Kosovës është pjesë e ekipit që nga viti 2020, ndërsa kontrata e mëparshme skadonte në 2027.
Sipas burimeve, marrëveshja është arritur përfundimisht dhe dokumentet janë nënshkruar ditëve të fundit. Gazetari i merkatos Nicolò Schira ka konfirmuar zyrtarizimin.
Rrahmani refuzoi oferta nga Fenerbahçe dhe disa klube arabe për të qëndruar te Napoli. Me këtë rinovim, 32-vjeçari pritet të kalojë gati një dekadë te ky klub, si figurë kyçe e mbrojtjes.
Kontrata e re parashikon rritje page në rreth 3.8 milionë euro në sezon, nga 2.5 milionë euro sa kishte më parë. Kjo tregon besimin e klubit në rolin e tij në Serie A dhe garat evropiane.