Agjencia e Mbikëqyrjes Policore (AMP) realizoi këtë të hënë, më 7 korrik 2026, operacionin e koduar “Basti i Fundit”, pas informacioneve të siguruara nga strukturat e Inteligjencës Operative. Aksioni u përqendrua në ambientet e një bar-kafeje në zonën e quajtur “Tregu Fshatar”, pranë Fushë-Krujës, në pronësi të shtetasit A.S..
Gjatë kontrollit, efektivët gjetën dhe sekuestruan në cilësinë e provës materiale një sërë pajisjesh që dyshohet se përdoreshin për ushtrimin e paligjshëm të lojërave të fatit, konkretisht:
• 4 pajisje elektronike kompjuterike;
• 4 monitorë;
• pajisje serverike dhe komponentë të tjerë teknologjikë.
Strukturat kompetente të AMP-së kanë nisur veprimet hetimore për dokumentimin e plotë të këtij aktiviteti. Hetimi synon identifikimin e të gjithë personave të përfshirë në këtë veprimtari. Përveç kësaj, AMP po verifikon çdo rast të mundshëm të favorizimit, mosveprimit apo përfshirjes së punonjësve të Policsë së Shtetit ose subjekteve të tjera që bien nën juridiksionin mbikëqyrës të Agjencisë. Hetimet mbeten në vijim për përcaktimin e përgjegjësive ligjore përkatëse.
Përditësime
Gjatë një kontrolli në një lokal në Fushë-Krujë, Agjencia e Mbikëqyrjes Policore (AMP) sekuestroi 15 doza lënde narkotike me peshë totale 6.45 gramë.