Agjencia e Mbikëqyrjes Policore (AMP) ka nisur një operacion më 15 maj në Sarandë, Ksamil dhe zona të tjera përreth. Aksioni zhvillohet në kuadër të hetimeve për përfshirjen e efektivëve të policisë në favorizimin e ndërtimeve pa leje.
Burimet raportojnë se priten arrestime në Komisariatin e Sarandës. Gazetari Besar Bajraktaraj nga Klan News dhe Esido Barkaj nga Vizion Plus kanë konfirmuar këto informacione. Po ashtu, priten masa të tjera procedurale ndaj punonjësve të policisë.
Operacioni fokusohet në dyshimet për rolin e policisë në lejimin ose mosndalimin e ndërtimeve të paligjshme në zonat bregdetare. Një ditë më parë, policia e Sarandës kishte arrestuar 8 persona për ndërtime pa leje pranë bregdetit, ndërsa pronarja e tokës u shpall në kërkim.
AMP-ja pritet të dalë me një reagim zyrtar për këtë aksion.
Përditësime
Policia e Shtetit ka arrestuar Gëzim Bashllari, shefin e komisariatit, dhe Andi Duro, shefin e krimeve, për shpërdorim detyre. Deri tani janë konfirmuar 4 arrestime, me më shumë të pritshme. Autoritetet sekuestruan një kat hotel dhe arrestuan 8 punëtorë në plazhin e Ksamilit.