Agjencia e Mbikëqyrjes Policore ka nisur një hetim në lidhje me ndërtimet pa leje në Sarandë dhe Ksamil. Hetimet lidhen me përfshirjen e mundshme të efektivëve të policisë në këto raste.
Në kuadër të aksionit është arrestuar Gëzim Bashllari, shefi i Komisariatit të Policisë Sarandë. Janë arrestuar gjithashtu dy inspektorë, një oficer krimesh dhe një specialist i zonës.
Hetimi vjen pas dy rasteve të fundit ku Prokuroria sekuestroi katin e një hoteli dhe policia arrestoi tetë punëtorë që kryenin punime pa leje në një plazh.
Përditësime
Policia e Shtetit ka vënë në pranga pothuajse të gjithë ekipin drejtues të Komisariatit të Sarandës gjatë hetimit për ndërtime pa leje në Sarandë dhe Ksamil. Arrestime të tjera priten gjatë mbrëmjes.