Antonio Costa, presidenti i Këshillit Evropian, u është drejtuar qytetarëve të Kosovës me një videomesazh për Ditën e Evropës. Në këtë video, të publikuar në rrjete sociale si Facebook, ai i ka trajtuar kosovarët si anëtarë të ardhshëm të Bashkimit Evropian.
Costa ka kujtuar se anëtarët themelues të BE-së tejkaluan ndarjet dhe zgjodhën bashkëpunimin mbi konfliktin. "Të dashur qytetarë të Kosovës, po ju drejtohem sot si anëtarë të ardhshëm të Bashkimit Evropian. Në Ditën e Evropës, ne festojmë projektin tonë të përbashkët evropian, kur anëtarët tanë themelues zgjodhën unitetin mbi ndarjen dhe bashkëpunimin mbi konfliktin", ka thënë ai.
Ai ka shtuar se ata vendosën të ndërtojnë një të ardhme paqeje, lirie dhe prosperiteti mbi hirin e Luftës së Dytë Botërore. Costa ka theksuar se e ardhmja e kosovarëve i përket BE-së, ashtu si e atyre në rajon. "Ne besojmë se e ardhmja juaj është në Bashkimin Evropian. Po bëhet shumë punë e madhe që kjo të ndodhë", ka deklaruar ai.
Presidenti i Këshillit Evropian i ka ftuar qytetarët e Kosovës të vazhdojnë punën për realizimin e këtij destinacioni të përbashkët. "Ju ndani të njëjtin destinacion me pjesën tjetër të rajonit — Bashkimin Evropian. Vazhdoni të punoni që kosa të realizohet. Së bashku, do të ndërtojmë një të ardhme të përbashkët evropiane. Rroftë Evropa!", ka përfunduar Costa.