Autoritetet detare kanë njoftuar anulimin e nisjes dhe mbërritjes së tragetit të linjës Vlorë-Brindisi-Vlorë në Portin e Vlorës për datën 26 mars 2026, për shkak të kushteve të paqëndrueshme të motit.
Ditën e enjte priten reshje shiu mesatare deri lokalisht intensive në qarqet Shkodër dhe Kukës, reshje mesatare në Lezhë, Vlorë dhe Gjirokastër, si dhe reshje të dobëta deri lokalisht mesatare në Dibër, Durrës, Tiranë, Elbasan dhe Korçë.
Sipas parashikimit hidrometeorologjik, brenda dhe jashtë Gjirit të Vlorës gjatë datave 26-27 mars 2026 do të fryjë erë nga drejtimi jug-juglindje me forcë deri në 6-7 Bft, shpejtësi 15-20 m/s dhe lartësi dallgësh 1.5-2.5 metra, duke filluar nga ora 06:00 e 26 marsit.
Si masa parandaluese:
- Është ndaluar pajisja me leje nisjeje për mjetet e vogla lundruese dhe ato të peshkimit që synojnë të operojnë jashtë Gjirit të Vlorës (në det të hapur), nga ora 06:00 e 26 marsit deri në ora 06:00 e 27 marsit.
- Kërkohet bashkëpunimi i subjekteve detare për sigurimin e mjeteve në port dhe rritjen e gatishmërisë së ekuipazheve.
- Anijet e transportit ndërkombëtar detar do të vazhdojnë të operojnë normalisht sipas destinacioneve.
Përmirësimi i kushteve hidrometeorologjike pritet pas oras 06:00 e 27 mars 2026.
Përditësime
Burim 2 raporton se një makinë u përmbys në Shkallën e Tujanit. Shoferi mbeti i plagosur rëndë.