Gjykata e Posaçme e Apelit për Korrupsionin dhe Krimin e Organizuar ka vendosur të zbusë dënimin për ish-sekretarin e përgjithshëm të Ministrisë së Mjedisit, Alqi Bllako, në kuadër të çështjes së inceneratorit të Tiranës.
Shkalla e dytë e gjyqësorit e ka shpallur të pafajshëm Bllakon për episodin që lidhet me përfitimin e rreth 7 milionë lekëve në formë page nga Vladimir Bezhani. Gjykata ka lënë në fuqi dënimin për episodin tjetër, që lidhet me përfitimin e parregullt në vlerën e 119 mijë eurove nga pronarët e inceneratorëve Klodian Zoto dhe Mirel Mërtiri.
Si rezultat, Apeli ka ulur dënimin nga 4 vite burg me gjykim të shkurtuar në 2.8 vite dhe më pas në 2 vite burg pas aplikimit të uljeve ligjore. Sipas vendimit, Bllako ka vuajtur tashmë pjesën më të madhe të dënimit në burg, ndërsa pjesa e mbetur do të kryhet me masën e shërbimit të provës.