Gjykata e Apelit e Juridiksionit të Përgjithshëm në Tiranë ka ndryshuar, më 15 janar 2026, masën e sigurisë nga arrest në burg në arrest shtëpie për tre të dyshuarit në vrasjen e Martin Çeços.
Të liruar nga paraburgimi janë Valter Mollaj, kushëriri i tij Edlir Mollaj dhe çobani Bleti Angjo. Vendimi u mor për shkak të humbjes së fuqisë së masës së sigurisë së caktuar më 20 qershor 2022, për tejkalim të afatit maksimal ligjor të qëndrimit në burg.
Martin Çeço, 26 vjeç, u vra në qershor 2022 në fshatin Kolanec të Maliqit dhe trupi i tij u hodh në një rezervuar. Të tre të dyshuarit u arrestuan pas dëshmisë së Martina Pajollarit, e cila dyshohet se ishte e pranishme në momentin e vrasjes dhe vazhdon të jetë në burg.
Më 10 shkurt 2025, Gjykata e Juridiksionit të Përgjithshëm në Korçë dënoi të pandehurit me gjithsej 83 vjet burg: Valter Mollaj me 25 vjet, Edlir Mollaj me 23 vjet, Martina Pajollari me 20 vjet dhe Bleti Angjo me 15 vjet. Apeli e rrëzoi këtë vendim pas apelit të mbrojtjes, e cila argumenton mungesë provash të mjaftueshme.
Sipas hetimeve fillestare, ngjarja lidhet me një lidhje sentimentale mes viktimës dhe Martina Pajollarit. Babai i viktimës, Nevzat Çeço, deklaroi se vrasja nuk ndodhi për një vajzë, por sepse i dyshuarit kishin mbjellë drogë dhe djali i tij e zbuloi. Ai shprehu mosbesim ndaj drejtësisë dhe kërcënoi me hakmarrje personale.
Hetimet vazhdojnë për zbardhjen e plotë të rrethanave.
Përditësime
Nevzat Çeço, babai i viktimës Martin Çeço, dha një deklaratë të re. Ai tha: "Do t’i pëvëloj ata me benzinë". Çeço mohoi lidhjen e djalit me Tina dhe përmendi një lidhje tjetër në Goskova.
Në qershor 2025, Gjykata e Apelit e Tiranës rrëzoi vendimin e shkallës së parë dhe e ktheu çështjen për rigjykim te një trupë tjetër gjyqësore në Korçë.