Martina Pajollari ndodhet në arrest shtëpie prej dy javësh, masë e caktuar nga Gjykata e Shkallës së Parë në Korçë për shkak të përfundimit të afateve të paraburgimit. E njëjta masë sigurie zbatohet edhe për Valter Mollaj, Edlir Mollaj dhe Bleti Angjo, të cilët u liruan më herët nga paraburgimi.
Të katër akuzohen nga Prokuroria për vrasjen e Martin Çeços, 26-vjeçari nga fshati Kolanec i Maliqit, në qershor 2022. Trupi i pajetë u gjet në rezervuarin e fshatit pas denoncimit për zhdukje nga babai i tij më 12 qershor. Nga këqyrja e trupit u vunë re shenja mbytjeje në qafë, çka çoi në hetime për krim.
Sipas hetimeve, Martina Pajollari akuzohet se nxori në pritë viktimën dhe nuk kallëzoi krimin. Motivi lidhet me xhelozi: Pajollari kishte pasur lidhje me Çeçon, pastaj me Bletë Angjon, i cili bashkë me kushërinjtë Mollaj e mbytën Çeçon me litar dhe hodhën trupin në rezervuar. Ngjarja u inskenua fillimisht si vetëvrasje.
Në qershor 2025, Gjykata e Apelit në Tiranë prishi vendimin e Gjykatës së Korçës, që i kishte dënuar me 25 vite Valter Mollaj, 23 vite Edlir Mollaj, 20 vite Martina Pajollari dhe 15 vite Bleti Angjo, total 83 vite burg. Çështja u rikthye për rigjykim me trupë tjetër gjyqësore në Korçë. Mbrojtja e Pajollarit kishte kërkuar lirimin e saj nga burgu i Pojskës.
Pas vendimit, Martina Pajollari refuzoi të fliste për media, duke thënë se ka shprehur gjithçka në gjykatë. Hetimet vazhdojnë dhe priten seanca të reja gjyqësore. Çdo i akuzuar presumohet i pafajshëm deri në vendim përfundimtar.