Agjencia për Shërbime Mediatike Audio dhe Audiovizuele ka nisur një nismë për edukimin e të rinjve mbi identifikimin e lajmeve të rreme. Zëvendësdrejtori Muamer Bekiri tha se nisma synon të parandalojë keqpërdorimin e të rinjve përmes informacioneve që vijnë nga burime të paverifikuara.
Në aktivitetet e nismës do të përfshihen të rinjtë, veçanërisht nxënësit e shkollave të mesme dhe mësuesit e tyre, politikëbërësit, përfaqësuesit e grupeve të ndryshme të margjinalizuara, personat me aftësi të kufizuara dhe prindërit e tyre, sipas Bekirit.
Projektin e mbështet Ambasada e BE-së në Shkup, e cila vlerëson se është e rëndësishme të përfshihen të rinj nga të gjitha bashkësitë etnike.
“Dhe tani është edhe maqedonishtja në shqip që i është bashkuar, të paktën kjo do të thotë që të rinjtë në Maqedoninë e Veriut mund ta luajnë lojën në gjuhën e tyre së bashku me të rinjtë në të gjithë Evropën”, tha Luciano Scambiato Licciardi, zëdhënës i BE-së në Shkup.
Aplikacioni është falas dhe u mundëson përdoruesve të verifikojnë nëse një lajm për të cilin janë të interesuar është i vërtetë, mbështetet në burime zyrtare apo përmban informacion të rremë.