Kryetari i Aleancës për Ardhmërinë e Kosovës (AAK), Ardian Gjini, i ka bërë thirrje kryeministrit të Kosovës, Albin Kurti, për një ballafaqim publik. Në një prononcim për emisionin Rubikon në Klan Kosova, Gjini deklaroi se nuk pranon të zhvillojë takime të mbyllura me kreun e ekzekutivit.
Duke iu drejtuar kryeministrit, Gjini u shpreh: "I kam thënë mundet me folë me mua kur të don, me ardh te Adriatiku në studio e ia themi njëri-tjetrit krejt". Ai shtoi se, pavarësisht situatës politike pas datës 16 shkurt, shpreson që një përballje e tillë para qytetarëve do të mundësohet në të ardhmen, pasi palët kanë shumë çështje për të diskutuar lidhur me interesat e vendit.
Gjatë intervistës, me të parin e Aleancës u diskutuan tema të shumta nga aktualiteti politik dhe zhvillimet me interes për vendin, ku u theksua nevoja për transparencë në komunikimin politik.