Ish-ministri i Mbrojtjes, Armend Mehaj, ka dalë i pari në konsultimin qytetar për Presidentin e Republikës së Kosovës, nismë e organizuar nga Instituti Strategjik për Drejtësi, Mbrojtje të të Drejtave të Njeriut, Analizë të Politikave Publike dhe Anti-Korrupsion (ISDMAK). Procesi, i cili u mbyll më 1 shtator 2026, u ofroi qytetarëve mundësinë për të zgjedhur mes 18 emrave të propozuar për kreun e shtetit.
Sipas rezultateve përfundimtare të publikuara nga ISDMAK, Armend Mehaj u rendit në krye me 11 mijë e 534 vota, që korrespondojnë me 27.0% të totalit të votave. Në vendin e dytë u pozicionua Vjosa Osmani me 7 mijë e 905 vota (18.5%), ndërsa i treti u rendit Glauk Konjufca me 7 mijë e 312 vota (17.1%).
Renditja e kandidatëve të tjerë është si vijon:
• Bedri Hamza: 5 mijë e 809 vota (13.6%)
• Ramush Haradinaj: 3 mijë e 668 vota (8.6%)
• Lumir Abdixhiku: 1 mijë e 044 vota (2.4%)
• Memli Krasniqi: 767 vota (1.8%)
• Albulena Haxhiu: 525 vota (1.2%)
• Atifete Jahjaga: 493 vota (1.2%)
Në listë u përfshinë gjithashtu figura të tjera, të cilat morën përqindje më të ulëta:
• Saranda Bogujevci: 450 vota (1.1%)
• Veton Surroi: 436 vota (1.0%)
• Arben Vitia: 430 vota (1.0%)
• Muhamet Mustafa: 422 vota (1.0%)
• Fatonime Mulhaxha-Kollçaku: 417 vota (1.0%)
• Lutfi Peci: 392 vota (0.9%)
• Ferdije Bunjaku: 385 vota (0.9%)
• Enver Hasani: 380 vota (0.9%)
• Hatixhe Hoxha: 367 vota (0.9%)
ISDMAK sqaroi se ky konsultim nuk ka për qëllim të zëvendësojë procedurat kushtetuese apo kompetencat e Kuvendit të Kosovës. Nisma është konceptuar si një përpjekje për të pasqyruar vullnetin e qytetarëve si orientim publik në rrethanat e një bllokade politike në vend. Në total, 18 kandidatët kanë grumbulluar 42 mijë e 636 vota.
Përditësime
ISDMAK saktësoi sot të dhënat finale të konsultimit qytetar për postin e Presidentit. Vjosa Osmani u rendit e dyta me 7,905 vota (18.5%), ndërsa Glauk Konjufca siguroi 7,312 vota (17.1%). Bedri Hamza konfirmohet në vendin e katërt me 5,809 vota, që përfaqësojnë 13.6% të totalit të votave të numëruara.