Specialistët për Hetimin e Krimeve Kibernetike në DVP Tiranë kryen operacionin policor të koduar "Fati i Lojërave", gjatë të cilit arrestuan në flagrancë dy shtetas.
Shtetasit E. B., 33 vjeç, administrator i lokalit, dhe K. Sh., 20 vjeç, punonjës i tij, u kapën teksa organizonin lojëra fati në kundërshtim me ligjin në një lokal në rrugën Ali Progri.
Gjatë operacionit u sekuestruan në cilësinë e provës materiale 2 telefona celularë si dhe sende të tjera që përdoren për këtë veprimtari të paligjshme.
Materialet procedurale i janë kaluar Prokurorisë për veprime të mëtejshme.
Policia e Shtetit deklaron se do të vazhdojë kontrollet për goditjen e çdo rasti të lojërave të fatit të paligjshme dhe fton qytetarët të denoncojnë çdo aktivitet të tillë.
Përditësime
Komisariati Nr. 3 arrestoi në flagrancë S. Z., 54 vjeç, administrator i një lokali në rrugën Haxhi Hysen Dalliu, dhe sekuestroi 3 celularë të përdorur për baste sportive. Ky është një rast i ri në kuadër të operacionit "Fati i lojërave".