Policia e Tiranës finalizoi operacionin e koduar “Multi Games 2”, për goditjen e veprimtarisë së paligjshme të lojërave të fatit.
Specialistët për Hetimin e Krimeve Kibernetike, në bashkëpunim me Forcën e Posaçme Operacionale të Drejtorisë Vendore të Policisë Tiranë, ushtruan kontrolle në disa lokale dhe ambiente të dyshuara për organizimin e lotarive të palejuara.
Gjatë aksionit në rrugën “Haxhi Hysen Dalliu”, u arrestua në flagrancë 25-vjeçari G. B., administrator i lokalit. Ai krijonte kushtet për organizimin e basteve dhe lojërave të fatit përmes pajisjeve teknologjike.
Si prova materiale, u sekuestruan një njësi kompjuterike dhe një telefon celular.
Materialet procedurale i kaluan Prokurorisë së Tiranës për veprime të mëtejshme ligjore. Vijojnë kontrollet për goditjen e veprimtarive të ngjashme në Tiranë.