Në Tiranë, më 15 shkurt 2026, u finalizua operacioni policor i koduar “The Player”, për goditjen e veprimtarisë së paligjshme të lojërave të fatit.
Specialistët për Hetimin e Krimeve pranë Komisariatit të Policisë Nr. 4, bazuar në informacionet e siguruar, organizuan dhe finalizuan operacionin në lokalin e shtetasit I. S., 27 vjeç, banues në Tiranë, të situar në rrugën “Halit Bega”.
Gjatë kontrollit u sekuestruan dy pajisje elektronike (makineta) të përdorura për lojërat e paligjshme, një aparat celular dhe një shumë parash që dyshohet se është përfituar nga aktiviteti i kundërligjshëm.
Shtetasi I. S. u arrestua në flagrancë, ndërsa materialet procedurale iu referuan Prokurorisë së Tiranës për veprime të mëtejshme.