Policia e Tiranës arrestoi dy shtetas dhe ndaloi një të mitur në kuadër të operacionit policor “Popular”, të zhvilluar nga Komisariati i Policisë Nr. 4 për parandalimin dhe zbardhjen e vjedhjeve të motomjeteve në kryeqytet.
Sipas hetimeve, më 21 janar 2026, Agron Doçi dhe Altin Hyseni dyshohen se kanë shtyrë 14-vjeçarin të vidhte një motomjet në rrugën “Kongresi i Manastirit”, të cilin e përvetësoi 41-vjeçari. Gjatë kontrollit në garazhin në pronësi të Altin Hysenit u sekuestruan dy motomjete dhe pjesë motomjetesh.
I mituri dyshohet se ka kryer rreth 150 vjedhje gjatë dy viteve të fundit, përfshirë katër raste vetëm gjatë muajit shkurt 2026. Grupi hetimor vijon punën për dokumentimin e vjedhjeve të tjera të mundshme nga këta persona.
Materialet procedurale iu referuan Prokurorisë së Tiranës për veprime të mëtejshme ligjore.
Përditësime
14-vjeçari festoi ditëlindjen e 14-të më 3 shkurt në komisariat, i ndaluar për 4 vjedhje motomjetesh, sipas Policisë së Tiranës. Ai ishte shoqëruar më parë disa herë në komisariat, pranoi vjedhjet, por u lirua sipas ligjit për të mitur. Përdornte lëndë narkotike prej rreth 3 vitesh dhe jetonte vetëm me njërin prind pas divorcit.