Shërbimet e Komisariatit të Policisë Nr. 4 në Tiranë finalizuan operacionin policor Remove, si rezultat i hetimeve për vjedhje motoçikletash në kryeqytet.
Ermond Gjina, 33 vjeç, u arrestua pasi dyshohet se ka vjedhur 6 motoçikleta gjatë muajve mars dhe prill 2026. Ai i çmontonte këto mjete në pjesë dhe i shiste kryesisht në subjekte që tregtojnë pjesë këmbimi automjetesh.
Gjatë kontrollit në banesën e tij, policia sekuestroi pjesë të ndryshme motoçikletash, të dyshuara si të vjedhura.
Në vijim të veprimeve procedurale, u procedua penalisht shtetasi Y. D., 39 vjeç, i cili dyshohet se ka përvetësuar një motoçikletë dhe pjesë të tjera të siguruar nga i arrestuari.
Hetimet vijojnë për zbardhjen dhe dokumentimin e vjedhjeve të mundshme të tjera nga ana e 33-vjeçarit. Materialet procedurale i janë referuar Prokurorisë për veprime të mëtejshme.