Policia e Kosovës ka arrestuar katër persona të dyshuar për vjedhjen e rreth 400 llojeve cigaresh elektronike nga një veturë në Vushtrri.
Ngjarja ka ndodhur më 22 prill 2026, kur ankuesi paraqiti kallëzim në stacionin policor të Vushtrrit, duke thënë se i ishte thyer xhami i veturës dhe i ishin vjedhur cigaret.
Si rezultat i veprimeve operative dhe hetimore, njësitë policore në Mitrovicën e Jugut i identifikuan dhe arrestuan të dyshuarit. Gjatë kontrollit u gjetën dhe sekuestruan një sasi e cigareve elektronike të vjedhura.
Pas intervistimit dhe aktvendimit të prokurorit kompetent, njërit prej të dyshuarve i është caktuar masa e ndalimit policor, ndërsa tre të tjerët u liruan në procedurë të rregullt.
Ndaj tyre janë iniciuar rastet për veprat penale “Vjedhje e rëndë” dhe “Blerja, pranimi ose fshehja e sendeve të përfituara me kryerjen e veprës penale”.